love beauty love life: Ronas Stem Cell Series

做開 RF、Laser 同彩光嘅都會知道，做完後塊面會比較乾，同時亦係最好嘅時機用上最好嘅保濕用品。而相信做開［海藻矽針］都唔會對［RONAS］呢個品牌陌生。

第一次同［RONAS］相遇，係喺一次做完 4D Facial，被介紹佢嘅幹細胞精華同面霜。據說［RONAS］嘅幹細胞系列能可以強化有問題肌膚並活化肌膚，增強皮膚彈性；滋潤肌膚，長效保濕，仲可以淨化肌膚的膚色。

聽到呢度，就二話不說買咗一套返去試：

幹細胞精華液 Stem Cell Serum (200ml)

幹細胞愈傷組織萃取精華能重建皮膚屏障，改善皮膚保濕能力，修補老化細胞，增加皮膚彈性；另含有大量的透明質酸，能軟化皮膚，補充水份。

幹細胞水份霜 Stem Cell Hydro Cream (100ml)

幹細胞愈傷組織萃取精華能重建皮膚屏障，改善皮膚保濕能力；另含有天然多醣體，能有效調節皮膚，平衡皮膚水份和油份分泌。

幹細胞滋潤霜 Stem Cell Rich Cream (100ml)

幹細胞愈傷組織萃取精華能重建皮膚屏障，改善皮膚細胞的保濕能力；另外含透明質酸和天然多醣體，能改善皮膚皺紋，更能有效調節皮膚，平衡皮膚水份和油份分泌。

用後感：

精華質哋薄薄哋，好易吸收；水份霜同滋潤霜我就分夏天同冬天用，而喺唔方便嗰幾日就照用水份霜。用咗一排，發覺真係唔錯！原因係個妝 KEEP 得耐咗，平時喺公司吹住個冷氣十一點幾就出晒油，改善到喺點幾兩點先開始出油。(雖然都係有出油... 但係對於一個女人嚟講，已經係天大嘅喜訊、重大發現)

眼見自己枝爽膚所淨無幾，就搵吓［RONAS］有無出，比我搵到原來呢條 LINE 仲有潤膚水同精華，於是就即刻訂咗返嚟喇！

幹細胞精華 Stem Cell Solution (5ml x 10)

植物胎盤素和豌豆干細胞有效軟化粗糙和乾燥皮膚並形成保護層，令皮膚變得健康幼嫩。從豌豆提取的水解小分子胜肽微脂體濃縮膠囊，能有效更快吸收到皮底層。

幹細胞潤膚水 Stem Cell Skin (500ml)

不含酒精，清爽質地容易被皮膚吸收，能有效調節皮膚，平衡皮膚水份和油份分泌。

用後感：

買嘅時候已被叮囑盡可能唔好同其他 Product 一齊 Mix 埋嚟用，而當我整合整條 LINE 一齊用之後，效果令我有一種想大叫嘅感覺。首先，朝早起身 T 字位唔會泛油，化妝上粉非常貼；然後直到放工，T字位都只係有少少油光。

懶得補妝嘅我，習慣久唔久就會拎張面紙印吓塊面，而家可以戎咗呢個習慣喇！咁當然，用嘅化妝品都要一齊配合喇！

一般喺 Beauty House 買一套精華液同面霜都會索價 $2,000 起，而一盒精華亦要 $1,500。全部都係 Salon Size，尚算划算。

而家由自韓國代理直接入貨，價錢更為划算。

love beauty love life